作為一名薯仔粉絲,靜雞雞講你知,我對於烚薯仔、焗薯、薯蓉、薯仔沙律、炒薯仔絲、甚至薯條,都好喜歡。
如果有留意我係《飲食陷阱》,講到「瘦身不可吃薯仔」嘅謬誤,就會知到食薯仔同肥,係唔會直接掛勾。因為薯仔本身,根本係低脂食物! 

撰自《飲食陷阱》
不過,有一點好得意,同樣係「薯」,即使同等份量,一樣無加任何油、鹽、調味料,薯仔係比薯蓉好!
薯不簡單
原因就係因為薯蓉屬於高升糖指數食物,較易引發胰島素上升,增加脂肪積聚機會。相反,烚薯仔嘅升糖指數就會較低!
薯仔沙律最能瘦
而想食完薯仔都唔肥,最好就將煮熟嘅薯仔冷凍。溫度嘅變化可增加薯仔中嘅抗性澱粉,無咁容易被消化同吸㗎!
當然,自己整薯仔沙律唔好貪方便而選用肥醬!
想知更多,可以自己刨書~

Leave a reply