Tonic water 唔係水！

朋友仔問，如果鍾意飲甜嘢，但又知汽水、果汁好高糖份，可以點做。

咁我就教佢哋，用「有氣嘅水」溝淡糖份。而且，有氣嘅特性，會比人解渴嘅感覺。

誰不知，友人給我發了這個產品。

記住，tonic water 不是水，是糖水！
Tonic water 含有water 嘅字眼，亦「有氣」，而且飲下唔甜，自然給人像有氣礦泉水一樣。但如果你有認真看過tonic water 嘅營養價值，就會發現tonic water 糖份僅次於汽水！用tonic water 來調製飲品，根本無助減糖、減卡！

一罐tonic water 已有29克糖份 (約六茶匙糖份)，熱量已有122千卡。如果用來溝淡果汁，如蘋果汁，一杯(250毫升)已有20-30克糖，以為好健康，點知加加埋埋可以攝取10茶匙糖份！

所以，「有氣嘅水」唔係指tonic water，好多時係指梳打水soda water或者有氣礦泉水sparkling water。

梳打水soda water
水經過「碳酸化」嘅過程，當中被注入二氧化碳氣體及/或其他礦物質。
梳打水一般都是「零卡」！

有氣礦泉水 Sparking water
有氣礦泉水大多來自天然泉水，含有礦物質，而高當中嘅氣泡亦是天然。因應地區及氣候，礦物質含量會有所不同。
有氣礦泉水，重點也是只有水，自然亦是「零卡」！