戴口罩會令人肥？

近排朋友仔話，呢排因為帶口罩，覺得自己食少咗野，但都唔知點解反而重咗？

我聽完之後，當然有十萬個問題想問。
不過，到最後我只問了一句：「咁你飲水夠唔夠？」
好似一句點醒咗佢：「飲少咗呀，飲水要除口罩嘛，好唔方便。」

嗱！嗱！嗱！
千祈唔好睇少飲水呢個咁簡單嘅動作！
飲唔夠水，咪就係會令你「肥」囉！

⭕ 身體缺水，好容易導致「水腫」！
當身體缺乏足夠水份，便會誤以為體內水份儲備不足，而為了不浪費體內水份，反而減少從排尿系統中排走。減少尿液的產生，盡量將體內水份保存，便會增加體液滯留的情況。

⭕ 身體缺水，會令你想吃東西！
鹽份有助身體儲水，所以當體內愈缺水，身體便會愈想儲水。令身體增加鹽份的攝取，亦是身體的技倆來儲存水份。身體需要的是水份，但無故變肚餓，由口渴變成進食，熱量攝取一定會多了。有時總係想食下鹹野，問下自己有無飲夠水。

⭕ 身體缺水，隨時會增加宿便！
要大便排泄順暢，水份的角式亦不可少。有不少減肥人士明明已經在膳食中大大增加纖維攝取，但都會出現便秘情況，這有可能與「飲水少」有關。食物中的粗纖維較硬，當吸收了水份後才會膨脹及變軟，帶動蠕動，產生便意。所以飲得水少，不但會減少小便，分分鐘都會影響排便情況。

⭕ 身體缺水，新陳代謝會減慢！
飲水後，有助水產熱效應（water induced thermogenesis) ，增加脂肪、碳水化合物的代謝速度，變相增加身體熱量消耗及燃燒脂肪的能力。每日飲兩公升水，或已可減近400千焦耳，即係接近100千卡。只係飲水都可以減去半碗飯嘅熱量！

即使飲水對健康好，而且，飲用足夠的水對減重人士可帶來額外熱量消耗，不過，並不建議狂飲水。腎臟功能較弱人士，亦要注意飲水量。
想知自己每日最少要飲多少水，亦可參考以下計算。想知更多，亦可參考《飲食陷阱2》。