透過自己平台,我真心希望大家可以建立適合自己的飲食模式。所以,我食得曳曳,都會話比大家知🤭。同時,我不時收到有讀者話自己對食物產生恐懼,連吃包薯片都覺得好罪惡,我感到有點心痛。曾經,我都厭食過,明白食物可以令人產生負面情緒。如今網絡發達,接收資訊更易,更多人亦因此採取極端飲食。當然,若然自己覺得適合,我不會反對。
但飲飲食食,對我來說是一種enjoyment,不應有「唔應該食」的感覺。健康、不健康,我都會食。只係對於邪惡食物,我會節制,亦會找平衡點。
無原因地追求過份健康的飲食,其實就已經不健康。Orthorexia, 健康食品癡迷症,其實已經存在,亦是一種病態。
我自己要找平衡點好簡單,就是將邪惡食物(雖然都唔算好邪惡)配合健康食物。比大家參考,今次配搭了三色甜椒(生吃可保持維他命C),仲有秋葵加粟米!
全碟加埋大約400千卡,但就攝取到足夠蛋白質。雖然有香口、脆口食物﹐但油份攝取亦不算過份,全碟加起約2.5茶匙。食得滿足,心靈亦滿足!
其實吃東西,可以帶一點隨心。