營養師飯盒(素食)

做meal prep，我認為難有難做，易有易做，唔做嘅原因只有「懶」。

懶筋人人都有，但有時候，真係食厭咗出面啲嘢，又想食得簡簡單單，最重要係要keep 下fit，所以，我都會煮下野食。

今餐，真係好簡單。
不過唔好認為簡單就等於hea?係食材上花心思配搭，都係學問。

我就
⭕蒸咗南瓜及紫心蕃薯代替飯
南瓜同紫心蕃薯唔單止加起上嚟比糙米高纖，亦屬較低升糖指數食物，相對來說，自然有助平穩血糖、減少肚餓嘅感覺。

⭕揀咗西蘭花做蔬菜
西蘭花同其他蔬菜一樣，含有豐富纖維，有助腸道路路暢通之餘，西蘭花仲要係屬「高鈣」蔬菜之一。半碗西蘭花(熟) 已經有66毫克鈣，食完一碗，就已經攝取近半杯牛奶嘅鈣質啦！

⭕整咗焗雞脾仔(素食)
出街食飯有時都已經食肉，所以，自己整嘢食，唔一定餐餐都要大魚肉。
世衛都有指出每天食用100克紅肉，如豬肉、牛肉、羊肉，會使患結腸直腸癌的風險提高17%，建議比大家一星期唔好食多過4餐紅肉啦。
我自己整咗呢款素豆卷作為蛋白質來源。食三隻，有近20克蛋白質，夠我一餐所需啦。

⭕咁就有三種顏色
聽過我講「均衡飲食」嘅講座，其中我提倡每日最好食到有3-5種顏色。
今餐有：
綠色? – 含有葉綠素，有抗癌、助肝臟排素嘅好處
橙色? – 含有Beta-胡蘿蔔素，係體內可以轉化做維他命A，防止夜盲症，仲有助維持上皮組織嘅完整及阻止角質形成細胞嘅分化，減少皮膚乾燥及皮脂萎縮。即係要皮膚靚，一定要食橙色食物。
紫色 ? – 含有花青素，具很強嘅抗氧化功效，有助延緩衰老，減慢老化過程，尤其護眼、護心。