乳酪Yogurt
乳酪總給人健康、護腸嘅感覺。不過,你有無留意你揀個杯乳酪係咪真乳酪?同埋有無留意其糖份量有無超標?
乳酪可以係高蛋白、低脂食物之選,但同時可以中哂伏。如果你揀咗以下乳酪,高糖兼唔夠一餐蛋白質所需,就唔好問點解食極乳酪都唔瘦,一啲都減唔到肚腩啦!
係《飲食陷阱》入面,就已經教咗大家點揀乳酪啦!
即沖燕麥片
燕麥出名係有助降膽固醇嘅食物,而且飽含纖維,早餐食「麥皮」實健康!
但加入調味嘅即沖麥片,就唔同講法。就以下面例子為例,排第二嘅成份係植物奶精,所以一包35克嘅即沖燕麥片已有一茶匙油份。值得注意嘅係4.4克脂肪中有3.1克,即係有70%係屬會增加壞膽固醇水平嘅壞脂肪。以為食「麥皮」可以降膽固醇,點知,食錯麥皮反而會增加壞膽固醇!
加入植物奶精,壞脂肪含量也增加!
饅頭
一個大饅頭(130克重)大約有350卡,以熱量去睇,唔算高,但係如果你真係食個饅頭就當早餐。咁我可以話你知,你一定、一定、一定唔會瘦。只係睇熱量計數可能唔超標,但係饅頭全部都係carbs (碳水化合物)! 而且,淨係食饅頭會欠缺足夠蛋白質,長遠嚟講,咁樣當一餐,只會增脂減肌!嚴重啲講,會影響埋新陳代謝。
白粥配炒米粉
食白粥實無乜油,心諗,配碟炒米粉都唔過份。但你有無留意粥同米粉有一個共通點,就係兩者都屬碳水化合物。之前係《飲食陷阱》分析過,白粥配炒米粉,加加埋埋有成約140克碳水化合物,等同食兩碗半飯無異。
撰自《飲食陷阱》
排包
貪方便,只食排包當早餐,點知食完兩片麵包都好似食咗一陣風,一啲都唔飽,但就已經攝取咗250卡,大半碗飯嘅澱粉質加1.5茶匙油份。最弊就係,食完兩塊過個零鐘之後覺得唔夠飽,又去食多兩塊包!
之前文章都講過,無餡包包都可以好肥!唔記得可以睇番較早前文章。

4 Comments

  • Sue

    如果食饅頭,仲可以加什麼?我一周有三、四日早餐食饅頭,中伏🙀

  • Mandy Wong

    咁唔好成日食~自己帶隻烚蛋、加杯無糖豆漿啦~

  • Chris lee

    有邊隻品牌乳酪比較健康嗎?

  • Mandy Wong

    我本書《飲食陷阱》有詳細解說。
    FACEBOOK都有POST講到㗎!

Leave a reply