關於乳酪，有人一定覺得低脂就最好，點知就有機會中伏咗係高糖陷阱之中。
不過，如果你要修身、減肥，我就會建議你揀低脂乳酪，因為脂肪可以低三倍！
當然唔同牌子用嘅奶、製作方法等會有唔同。所以不能一概而論，我亦鼓勵大家多睇標籤。
今次，我就搵嚟同牌子乳酪做比較。
兩款乳酪，一款低脂、一款全脂。
全脂乳酪係咪唔食得？
天然，無添加乳酪屬於蛋白質豐富食物，而且又有鈣質，可以強化骨骼，作為小食，又或者加入生果製作成甜品，都係唔錯㗎！
全脂乳酪雖然係肥，不過就係因為有奶脂先會好味啲。而且，脂肪嘅胃排空速度最慢，如果食物入面有脂肪，就可以增加胃排空時間，有助延長飽肚感。
如果減肥係你首要任務，那就選低脂高蛋白嘅乳酪。但若果你無需要減體重，其實唔駛太刻意去減脂，唔駛咩都要低脂。因為低脂，反而吸收更多糖份，都一樣無助減肥、修身。
