如果你係屬於繁忙一族，去麥記食早餐的確在所難免。
又或者有時心思思，總係想出街食，但又唔想太heavy，可以好似我咁叫份：
蘑菇粟米芝味多士 + 泡沫啡咖(豆奶)
兩塊麵包、一塊芝士、有啲粟米同蘑菇；再加一杯用豆奶沖嘅咖啡提提神，咁就有兩份五穀、兩份蛋白質、1.5份脂肪，熱量大約400千卡，夠哂一個早餐所需。
記住呀，要keep fit 有沙律醬嘅包包最好避免下。如果唔想咁寡，加塊芝士就可以解決問題啦！熱溶咗嘅芝士配包包，其實都好夠味，唔駛無啦啦加沙律醬，食多成100千卡 (半碗飯)啦！
