終於，我係「大快活」揾到又抵、又好食，而且營養搭夠嘅快餐飯啦！
作爲一位彈性素食者，去餐廳第一件事，我會睇下佢哋啲素食選擇。但作為一位營養師，我亦會注意其營養價值。所有蛋白質欠奉嘅素食選擇，我比較少揀，到最後，唯有揀番肉食。
不過，呢款「素肉碎豆腐紅米飯」真係無得輸！
除咗採用咗近期好多餐廳都有用嘅 #純素 Omnipork 新豬肉去代替真肉碎，令到整個肉碎飯低卡啲、低脂啲！而且，仲好有心咁加入咗唔同飽含蛋白質嘅食物，包括：豆腐、紅腰豆及南瓜籽。
雖然呢個係我嘅估計，如果叫少飯版，一碟大概500千卡內，但已滿呢一餐需要兩份嘅蛋白質，係素食者外食理想嘅選擇！而非素食者，想食得低脂啲，都可以揀。我真人實證過，食落有少少麻辣味但個汁唔油，而且食材低脂，一碟飯都可以維持係兩茶匙油份之內，減重人士，都適合選擇！
要知道一個大集團去令素食變得營養均衡，係唔容易，大家都去試下！
—-
其實大家好多時都問我支唔支持食「素肉」。
我認為大前提不是一面倒嘅問題，而係睇下係咩「素肉」，同埋佢係點製成及生產。我本《飲食陷阱》都有提到素食嘅陷阱！
不過，而家科技發達，應用係食物科技層面上已同以往有別，不只只重視食物外觀，而係營養、選材上都會考慮。就好似黃豆類製品，唔少廠商已選用非基因改造大豆製造食物、添加劑方面盡量選用天然而非化學的，減低潛在健康風險。
講到低，素食對我來說，都包含一種生活態度。
