如果有睇過第一本《飲食陷阱》，有一章篇章，我正講解朱古力嘅謬誤。
好多時大家以為朱古力係一種極之唔健康嘅食物，但其實視乎你揀嘅朱古力quality。
大家有跟住我教揀朱古力嘅小貼士，唔單止識揀真正嘅朱古力，仲可以得到可可帶來抗氧化嘅好處！適量進食朱古力，仲可以令自己開心一啲，維持好心情！所以，想令朋友開心、又或者令自己愉快啲，我都會食下朱古力。
揀好嘅朱古力，我會堅持三大原則：
1. 無添加不必要成份
有啲產品好難做到「無添加」，但朱古力，係其中一種容易搵到無添加嘅食物！
2. 糖份唔會係第一個成份
因為如果糖份係第一個成份，即係買緊「糖」，而非「朱古力」。
3. 盡量減少使用白砂糖
因為白砂糖係最無營養價值嘅一種糖。
最近發現一款STAY YOUNG 朱古力，名符其名，符合晒我揀朱古力嘅三大原則不特止，仲加入咗11 – 17種超級食物！採用椰糖，升糖指數較白砂糖低之餘，仲含較豐富礦物質。最好嘅係，呢款朱古力係 raw & organic，即係更能保存其抗氧化成份！
我嘅心水有加入咗杞子(Gogi berry)同小球藻(chlorella）呢兩款， 因為加入最多「超級」成份。但實情，款款都好好食，食完會有一絲滿足嘅感覺。
至於大家好關心食「朱古力」會唔會好肥嘅問題，大家放心，幫你計埋份量啦！
每次最多可以食半排！係，無打錯，係「半排」！
