「抗流感」冷壓果汁

【「抗流感」冷壓果汁 】

天氣時冷時熱，轉季時就最容易受感染，出現傷風、感冒、咳嗽等病徵。
要自救，增強免疫力，維他命C就一定唔少得。

雖然，我唔建議經常飲果汁，(要知道果汁內嘅糖份可不少，而且又不含纖維！) 但如果要選擇飲品，含維他命C嘅果汁確實會較健康。

不過提提你，唔係所有生果嘅維他命C都係高㗎！
以蘋果汁為例，蘋果本身並唔算高維他命C，所以1 杯鮮榨蘋果汁嘅維他命C含量比1杯鮮橙汁低50倍！(係50倍!）

不過，講到要提升身體抗炎、抗菌能力，最好就攝取到薑黃。
薑黃(turmeric)中嘅薑黃素（curcumin) ，就被證實有助抵抗細菌、病毒、真菌等入侵，增強身體抗疫能力。

一般薑黄味道偏濃，加入飲品或食物會較易接受。剛剛找到這款果汁，不單含有薑黃，仲有薑(Ginger)。薑，係冬天最大嘅用途之一就係驅寒！

 

樽身雖然沒有注明營養成份，但我自己親身試過味，薑黃及薑味都算重。

整樽飲品，混合橙汁同檸檬汁，兩者都屬維他命C豐富。佔最多嘅紅蘿蔔汁，都有好高維他命A，而維他命A有助維持上皮細胞健康及促進呼吸道健康。