唔知Korrito 係咪受Burrito啟發而誕生呢?
今次介紹比大家嘅Korrito,就有啲似壽司嘅飯卷。
薄薄一層飯上面舖上各類蔬菜,包括有牛油果、甜椒、生菜、紫椰菜、甘筍絲等,食落爽口、清甜。而且,加咗一撮炸春卷皮,可以增加脆口口感之餘,亦可平衡一下蔬菜中嘅「寡口」。全配料方面,我就選咗辣豆腐。
整個Korrito,我輕輕估計過,約有400卡。對於輕食女士來說,份相量剛好;但對男士來說,應該不太足夠。
需要留意嘅係,整個Korrito雖然清新、輕「營」,我會認為係沙律以外嘅好選擇,但所含蛋白質偏低,只有大約一份蛋白質。所以,之後可以加番杯無糖豆漿,又或者低脂低糖純乳酪!