芝士餅乾條

【芝士餅乾條】

我係一個芝士怪。
就連別人覺得好臭嘅blue cheese，其實我都可以一小塊、一小塊咁放入口中品嚐。
所以，買餅，見到芝士餅，總會去望望。
不過，多數都係失望多。因為大部分芝士餅都超肥！

我好鍾意食嘅其中一款夾心芝士餅，13小粒（真係好細粒！約30克）已經有約兩茶匙油，熱量高達160千卡！嚇到我一年先買一、兩次吧！多吃真係肥死～

居然，咁啱比我搵到呢隻芝士餠乾條！
睇睇成份，寫明有7.5%芝士，亦講出5%橄㰖油而唔係雜乜油，好感大增！

再睇睇脂肪先，100克，都只係得8.2克脂肪，比梳打餅仲要低！但你要記得佢係芝士餅！

你睇下，大家成日食嘅梳打餅100克有近20克脂肪！
食一包，吸收1茶匙油，還可以。但一包唔夠喉，食夠兩包，又攝取咗2茶匙油啦～

 今之呢包芝士餅乾條，同大家量埋份量啦～
28條芝士餅乾條，約25克重（即一包梳打餅重量）先得2克脂肪！熱量約100卡！
我真人試過，食完28條，加杯無糖豆漿，做個小小下午茶都OK。