青木瓜沙律

去食泰國菜，又要修下身，一定要叫番碟青木瓜沙律！

原因就係青木瓜同菜一樣咁高纖！
100克青木瓜就已經有2.7克，同你食碗椰菜，又或者菜心差唔多。

青木瓜沙律做前菜，唔單止可以食多咗啲纖維先，可以打定個底，令到自己增加飽肚感，即使要減肥都可以控制食慾。

不過，有時青木瓜沙律可能撈入不少含鈉量偏高嘅醬汁或魚露，記得食完飲番多杯水呀！