無添加豆漿

【無添加豆漿- 一杯已有11克蛋白質】

好多人以為飲豆漿，就一定可以攝取到蛋白質，又或者覺得豆漿係屬於高蛋白質食物來源。
咁你就錯啦!

我一早係<<飲食陷阱>>講過啦~

如果你飲豆漿嘅原因係因為想代替奶類，攝取蛋白質。我會建議購買每100毫升含有不少於3克蛋白質嘅豆漿。咁樣一杯就可以有約7克蛋白質，可以當一份蛋白質計算。

而今次呢款豆漿，一杯240毫升，就已經有11克蛋白質。
足足比平一般嘅豆漿高出半份! 等於你食多咗半隻蛋啦~

至於點解呢款豆漿嘅蛋白質會豐富啲?
咪就係用上嘅黃豆比例愈高，做出嚟嘅豆漿當然營養價值就愈高。
呢款豆漿，唔怪得豆味特別濃。