只要識揀,其實早餐都可以出街食!今次揀嘅「烤雞栗米雞蛋蘑菇長通粉」,熱量仲低過一個牛角包。
等我同大家分析下我叫嘅「烤雞栗米雞蛋蘑菇長通粉」先:
👉烤雞有半件(厚切):都已經有約2份蛋白質。不過重點,係要走皮,去咗皮,可以慳到最少一茶匙油!去皮烤雞,熱量只有~100千卡。
👉雞蛋一隻:要讚讚Delifrance,係烚蛋!唔駛額外吸油!而且一隻雞蛋又有1份蛋白質,熱量才不過80千卡!我會建議連黃食,有少少脂肪,飽肚感又高啲!
👉栗米蘑菇長通粉:栗米蘑菇份量其實好少,長通粉份量約2/3碗,有兩份碳水化合物。至於個湯,又不至於係忌廉湯,還可以啦,唔算肥~唔好飲晒就得啦。夾夾埋埋,熱量約有150千卡。
其實我呢碗粉,成大碗都只係有~330千卡,仲低過一個牛角包嘅熱量,但就已經有2份碳水化合物+3份蛋白質!
我配埋杯熱奶茶。一杯有~90千卡,一份脂肪。如果你減肥,就叫熱檸水啦~
比埋張圖分析埋比你睇!